Quantcast
Channel: Search Results for “adb”– DVB
Viewing all articles
Browse latest Browse all 62

မြန်မာနိုင်ငံ၏ ဂျီဒီပီတိုးတက်မှု ၁ ဒသမ ၈ ရာခိုင်နှုန်းရှိမည်ဟု အာရှဖွံ့ဖြိုးရေးဘဏ်ခန့်မှန်း

0
0

၂၀၂၀ ပြည့်နှစ် မြန်မာနိုင်ငံရဲ့ ပြည်တွင်းအသားတင်ထုတ်လုပ်မှုတန်ဖိုး ဂျီဒီပီ တိုးတက်မှုနှုန်းဟာ ၁ ဒသမ ၈ ရာခိုင်နှုန်း ရှိမယ်လို့ အာရှဖွံ့ဖြိုးရေးဘဏ် (ADB)က ခန့်မှန်းထားပါတယ်။

အရှေ့တောင်အာရှနိုင်ငံအများစုရဲ့ ဂျီဒီပီက တိုးတက်မှုမရှိဘဲ လျော့ကျနိုင်ပေမဲ့ ၂၀၂၀ ခုပြည့်နှစ်  မြန်မာနိုင်ငံရဲ့ဂျီဒီပီ တိုးတက်မှုနှုန်းက ၁ ဒသမ၈ ရာခိုင်နှုန်းရှိမယ်လို့ ဒီနေ့ ထုတ်ပြန်တဲ့ အာရှဖွံ့ဖြိုးရေးဘဏ်ရဲ့အစီရင်ခံစာက ခန့်မှန်းထားတာပါ။

ပြီးခဲ့တဲ့ ၂၀၁၉ ခုနှစ်  မြန်မာနိုင်ငံရဲ့ ဂျီဒီပီ  တိုးတက်မှုက ၆ ဒသမ ၈ ရာခိုင်နှုန်းထိ ရှိခဲ့ပါတယ်။

ဗီယက်နမ်နိုင်ငံရဲ့ ဂျီဒီပီ တိုးတက်မှုနှုန်းကလည်း  ၁ ဒသမ ၈ ရာခိုင်နှုန်းရှိမယ်ခန့်မှန်းထားပြီး ဘရူနိုင်းနိုင်ငံရဲ့  ဂျီဒီပီက ၁ ဒသမ ၄ ရာခိုင်နှုန်း ရှိမယ်လို့ ခန့်မှန်းထားတာပါ။

ဒါပေမဲ့ ထိုင်းနိုင်ငံ၊ စင်ကာပူနိုင်ငံ၊ မလေးရှားနိုင်ငံ၊ ကမ္ဘောဒီးယားနိုင်ငံ၊ ဖိလစ်ပိုင်နိုင်ငံစတဲ့ အာဆီယံ ဒေသတွင်း နိုင်ငံတွေရဲ့ ဂျီဒီပီကတော့  လျော့ကျမယ်လို့ခန့်မှန်းထားပါတယ်။

ကိုဗစ်-၁၉ ကပ်ရောဂါက ကမ္ဘာ့စီးပွားရေးဆောင်ရွက်မှုတွေကို ဆက်လက် ဟန့်တားနေတာကြောင့် ဖွံ့ဖြိုးဆဲ အာရှရဲ့ ဂျီဒီပီက ၂၀၂၀ ပြည့်နှစ်မှာ  ၀ ဒသမ ၇ ရာခိုင်နှုန်း လျော့ကျသွားမယ်လို့ ခန့်မှန်းထားပြီး ၂၀၂၁ ခုနှစ်မှာ ၆ ဒသမ ၈ ရာခိုင်နှုန်း တက်လာမယ်လို့ ခန့်မှန်းထားပါတယ်။

ဖွံ့ဖြိုးဆဲ အာရှနိုင်ငံတွေရဲ့ စီးပွားရေးတိုးတက်မှုနှုန်းတွေ လျော့ကျခြင်းက နှစ်ပေါင်း ၆၀ အတွင်း ပထမဆုံးဖြစ်ပါတယ်။

ကိုဗစ်-၁၉ ရောဂါဖြစ်ပွားမှုရဲ့ အကျိုးဆက်အဖြစ် စီးပွားရေး ထိခိုက်ပျက်စီးရာကနေ  စတင်ရုန်းထွက်မှုတွေကြောင့် လာမယ့်နှစ်မှာ စီးပွားရေး ပြန်နာလန်ထူလာလိမ့်မယ်လို့လည်း ADB ရဲ့ အစီရင်ခံစာမှာ ခန့်မှန်းဖော်ပြထားပါတယ်။

သတင်း-စိုးချစ်ပိုင်

The post မြန်မာနိုင်ငံ၏ ဂျီဒီပီတိုးတက်မှု ၁ ဒသမ ၈ ရာခိုင်နှုန်းရှိမည်ဟု အာရှဖွံ့ဖြိုးရေးဘဏ်ခန့်မှန်း appeared first on DVB.


Viewing all articles
Browse latest Browse all 62

Latest Images

Trending Articles





Latest Images